Davao City-Wala na makalahos pa ngadto sa ilang kampo sa 71st Infantry Batallion Philippine Army ang duha ka mga sundalo nga gikan namalengke human sila paulani’g bala sa mga gituohang sakop sa New People’s Army bandang alas 10:50am sa Purok 3, Barangay Poblacion, Mawab, Compostela Valley Province miadtong Lunes.
Sa interbyu sa DXDC RMN Davao kang 10th Infantry Division Spokesperson Capt. Rhyan Batchar nga ang duha ka mga sundalo nakasibilyan ug nagsakay og motor apan gisundan kini sila sa mga armado sakay sa usa ka trisikel nga walay plate number.
“Naay activity ato sa Mawab, busy ang mga tao. So, nag-take advantage pod ning mga armado, allegedly Sparrow apan dili pa nato ma-establish gyod kung kuan ba gyod. Pero ang style sa pagpamusil ug sa scenario nga ginahimo nila may resemblance nga mga membro ni sa Sparrow.”
Daling miikyas ang mga suspetsado human sa insidente.
Matud ni Batchar nga patay ang usa sa mga biktima ug gidala na ang patayng lawas niini sa Panacan samtang nagpabilin pang kritikal sa ospital ang kauban niini.
Wala pa gipagawas ang mga pangalan sa mga biktima sa ulahing interview sa DXDC Team.Sa pikas bahin, nagpadayon ang gihimong imbestigahon sa Compostela Valley Province police kalabot sa maong krimen.
Sa pikas bahin, nagpadayon ang gihimong imbestigasyon sa Compostela Valley Province police kalabot sa maong krimen.
Kasamang Aimee Guinita
