Davao City – Gibutyag sa Matanao Municipal Police Station (MPS) nga nailhan na ang duha ka suspek sa pagtigbas sa usa ka lalaking biktima nga nakit-an nga putol na ang lawas sa Algon Dam sa Barangay Saub, Matanao, Davao del Sur buntag niadtong Miyerkules, Disyembre 28, 2022.
Sa interbyu sa DXDC RMN Davao kang Police Staff Sergeant Ronelyn Gomez, imbestigador sa Matanao MPS, gibutyag niini nga ang duha ka mga B’laan nga suspek daling nakasibat sa bukiron nga bahin sa Matanao human sa insidente.
“Identified na po yung mga suspek pero at large pa sila. Kasi during sa conduct sa hot pursuit, allegedly miadto na sila sa hinterland part sa Matanao,” saysay ni Gomez.
Matud sa pulis, hustisya ang padayong singgit sa pamilya sa biktimang 52 anyos nga mag-uuma nga si Bonifacio Ontoy nga taga Sitio Bajada, Barangay Towak, Matanao, diin kini adunay tulo ka mga anak.
Sa pagkakaron, ginapaabot na lamang mugawas ang warrant og arrest sa mga suspek diin kasong murder ang ilang atubangon.
RadyoMaN Kirby Manzon
Facebook Comments
