General Santos City—malampusong nadakpan sa operatiba sa Lagao Police Station ang duha ka mga suspek nga gitudlong nanglugos sa usa ka 16 anyos sa area sa Daricum Compound, Purok 23, Barangay Lagao, General Santos City.
Giila ang suspek nga si Rosendo Beleganio Plaresan, 40, minyo, trisikad driver, ug residenti sa samang lugar ug Dexter Caril Ocmar, 20, ulitawo, residenti gihapon sa samang lugar.
Una nang nasikop ang duruha alas 9:48 ang takna sa buntag niadtong Petsa 29 sa Hulyo sa ilang tagsa ka mga panimalay sa Daricum compound, Purok 23, Barangay Lagao.
Sa inisyal nga imbistigasyon sa Police Station 3 nasuta nga una nang midangop sa buhatan sa WCPD ang biktima nga itago lang ug alias Jenny, 16, residenti sa Barangay san Isidro ning syudad uban ang ginikanan niini aron isumbong ang gihimong paglugos kaniya sa duha ka mga suspek ala 1:30 ang takna sa kaadlawon niadtong July 29, 2017.
Gilayon nga gihimo ang operasyon batok sa mga suspek nga miresulta sa pagkasikop sa mga nahisgutan.
Saysay sa biktima nga nahitabo ang pagpanglugos sa balay sa suspek nga si Dexter Ocmar sa Daricom Compound . pila ka oras ayha nahitabo ang pagpanglugos, niuban matud pa ang biktima sa iyang mga amiga nga silang alias Mie ug alias Melve uban ang mga suspek nga silang Rosendo Plaresan ug usa ka alias RJ nga nag inum sa may Daricom Compound.
Human ug inum, mikaon ug Arrozcaldo nga nahimutang sa Donato Quinto St., Brgy. East, ning dakbayan ang biktima uban sa duha niya ka mga amiga. Human niini mibalik ang mga nahisgutan sa Daricum Compound aron matulog sa balay sa apuhan ni alias Melve.
Pag abot sa lugar nananghid ang biktima kang Melvie nga mugawas aron mangihi apan pag abot gawas sa balay, iyang nakit-an ang suspek nga si Dexter Ocmar, siya giuban nga mupalit ug sigarilyo sa tindahan human niini mibalik ang mga nahisgutan dayon siya gidala sa suspek sa ilang panimalay.
Ila pang nakasugat ang suspek nga si Rosendo padulong sa balay ni Ocmar. Pag abot sulod sa balay didto na nahitabo ang pagpanglugos diin sumala sa biktima, siya gitiunan ug kutsilyo sa suspek samtang gihimo ang krimen.
Human ug lugos sa suspek kang Alias Jenny iyang gitawag si Rosendo aron mupuli ug lugos sa biktima. samtang gihilabtan ni Rosendo ang biktima, ang suspek nga si Ocmar maoy nagtion ug kutsilyo sa nahisgutan.
Human niini ilang gipailis ang minor de edad dayon gipabalik sa balay sa iyang amiga, buntag dihang miuli sa ilang balay ang biktima dayon misumbong sa iyang ginikanan kansa maoy nagpadakop sa duha ka mga suspek.
Nasayran nga uyab ang biktima ug si Ocmar apan sumala sa biktima siya gipugos sa suspek nga makighilawas ngadto kaniya.
Ang dili pa niya madawat nga siya gipuli-pulihan sa mga suspek.
Kasong paglapas sa RA 8353 (Rape) ang gipasang-at nga kaso sa Lagao PNP batok sa duha ka mga suspetsado.
