Davao City – Nag-abli og dugang duha pa ka mga swabbing areas ang lokal nga panggamhanan sa Davao aron patas-an pa ang ihap sa mga ma-swab nga indibidwal sa RT-PCR.
Gibutyag ni City Health Office (CHO) Acting Head Dr. Ashley Lopez, gimuntar ang bag-ong vaccination sites sa Tibungco ug Shanghai Gym sa Matina Aplaya.
Segun ni Lopez, makaakomodar og 500 ka mga indibidwal kun mga first-generation contacts (F1s) ug adunay influenza-like illnesses (ILIs).
Mamahimo ng maka-test ang Davao City og 1,000 ka mga indibidwal gikan 8am-5pm Lunes kutob Sabado ang dakbayan pinaagi sa nadugang nga duha ka swabbing sites.
Nakig-partner ang Lokal nga gobyerno sa private laboratories aron masigurong anaa sa 24-48 hours ang turnaround sa mga test sa F1 ug ILIs.
Samtang si Davao City COVID-19 Task Force Spokesperson Dr. Michelle Schlosser nagbutyag nga operational gihapon ang swabbing sites sa Sta. Ana Health Center, Magsaysay Park ug Crocodile Park.
“As much as possible, we want to give the results right away aron dili kaayo maguol while waiting tong natest. They will also go on with their usual activities, secured that they are already negative. Para sa ilahang work requirements, we don’t want them to hamper their usual activities as their work is at stake,” sumala niini.
RadyoMaN Aimee Guinita
