Arestado ng National Bureau of Investigation-Cybercrime Division ang dalawang Vietnamese sa Parañaque City dahil sa illegal practice of medicine.
Ayon sa NBI, nahaharap ang Vietnamese Nationals na sina Nguyen The Thang at Mai Quy Loc alias Do Thi Binh sa mga kasong paglabag sa “Medical Act of 1959,” in relation “Cybercrime Prevention Act of 2012 dahil sa kanilang advertisement online.
Kakasuhan din sila ng paglabag sa Food and Drug Administration (FDA) Act at Philippine Pharmacy Act.
Nabatid na ang mga dayuhan ay iligal na nag-ooperate ng beauty clinic at nag-aalok ng medical procedures at mga gamot.
Kabilang sa medical procedures na kanilang inaalok ay chin fillers, liposuction, rhinoplasty, blepharoplasty, at facelift
Nabawi rin sa kanila ang ibat ibang uri ng gamot.
