2 wanted arestao

Dos maga wanted persona ya sale arestao del Martes na dos separao operacion.
El primero, ya tene que anda el maga pulis del Divisoria Police Station na Aguada Bernard Subdivision na Ozamis City para aresta con Arnold Toylo y Lumawag, 36, de Purok 1, barrio Balangao, Diplahan, Zambaonga Sibugay.
Si Toylo tiene warrant of arrest na caso de rape que yan issue el RTC branch 15 de Zamboanga City del Febrero 9, 2017 sin fiansa.
Con Toylo ya lleva dayun para qui na ciudad para entrega na corte donde ya sale su warrant of arrest.
Mientrastanto, maga pulis pa siempre del mismo estacion ya aresta tambien con el un persona nativo de Siocon, Zamboanga del Norte, na Jumbo Bridge, Guiwan del mismo noche de Martes.
Con el arestao ya conose como si Albert Delos Reyes San Pedro, 44, de Siocon y ta queda na Lumayang aqui na ciudad.
Asegun si San Pedro tiene warrant of arrest na caso de qualified theft.
Su warrant of arrest yan issue el RTC branch 27, Siocon, Zamboanga del Norte.
El aresto del suspechao ya participa el cuantos pulis del Siocon Municipal Police Station.