2- wanted sikop sa kapulisan sa Gensan

General santos Cityβ€”malampusong nadakpan sa Tracker Team sa Police Station 4 ug tropa sa Investigation and Detection and management Branch ang duha ka mga wanted nga dugay nang gipangita sa otoridfad sa ilang gihimong manhunt Charlie sa managlahing lugar sa Gensan.

Unang nasikop alas 4:00 sa hapon, Martes, August 1, 2017 ang suspek nga si Rendel Banal Calumnas, residenti sa Alabel, Sarangani Province. Nasikop ang nahisgutan sa may Philhealth office nga nahimutang sa Santiago Boulevard, Barangay East human nasundan sa tracker team sa Police Station 4 nga mikuhag dukumento sa maong buhatan.

Wala na mipalag ang suspek human gipresenstar kaniya ang warrant of arrest sa kasong murder nga iyang giatubang pinitsahan ug Dec. 21, 2014. Nasayran nga apil ang suspek nga gidudahang mipatay sa biktimang si Alin Liwa usa na uasb nga nadakpan ug anaa na sa Lanton Jail ang igsuon ni Rendel samtang gipangita pa ang iyang ig-agaw kansa maoy nag-unang suspek sa pagpatay.


Samtang sunod nga nadakpan alas 4:40 ang takna sa hapon si Jessie Agraba nga taga Alabel, Sarangani Province.Nasikop ang nahisgutan sa operatiba sa IDMB sa area of responsibility sa Police Station 2.

Ang suspek nasikop pinasikad sa dunay kasong Frustrated Murder nga gipagula ni Hon. Judge Alvero Moran sa RTC Branch 36.

Sa kasamtangan ang suspek anaa na sa kustudiya sa Makar Police Station ug commitment order nalang ang gipaabot aron nga mabalhin na kini ngadto sa Gensan City Jail.

Facebook Comments