Davao City – Muabot sa P180,000 nga fixed bail ang kinahanglan alang sa temporaryong kagawasan sa usa ka batan-on nga nadakpan sa operasyon sa Los Amigos Police Station uban ang Criminal Investigation and Detection Group (CIDG)-Davao City Forensic Unit ug 1105th Maneuver Company, Regional Mobile Force Batallion-XI alas 12:25 sa udto, Hulyo 14, 2023 sa Barangay Tagakpan, Tugbok District, Davao City.
Sa gipadalang impormasyon sa DXDC RMN Davao ni Police Major Elisa Ramirez, station commander sa Los Amigos Police Station, ang suspek nailang si Greg Agustin Jr, 20 anyos nga residente sa nahisgutang barangay.
Nasikop ang suspek pinaagi warrant of arrest tungod sa kasong Acts of Lasciviousness subay sa Republic Act 7610.
Padayon ang pagpahimangno sa kapulisan sa publiko nga likayan ang paghimo og iligal nga aktibidad o binuhatan.
RadyoMaN Kirby Manzon
Facebook Comments
