*Tangalan, Aklan – Nagapangatubang it kasong pagbayolar sa R.A. 10591 ukon Illegal Possession of Firearms and Ammunitions rong sangka 20-anyos nga eaeaki matapos nga madakpan it baril kabii sa Brgy. Baybay, Tangalan, Aklan.*
*Nakilaea rong suspek kay Raymund Dela Cruz ag residente it Brgy. Afga sa nasambit nga banwa.*
*Base sa report it Tangalan PNP nga nakabaton sanda it report halin sa sangka residente nga may eaeaking nagatikang-tikang ag may sukbit nga baril.*
*Insigida man nanda raya nga gin respondehan ag tag sanda hay mapan-uhan it suspek hay eagi raya nga dumaeagan sa madueom nga parte.*
*Gin eagas raya it mga pulis ag naabutan dayon nga gin aresto ag nabuoe sa suspek rong baril.*
Facebook Comments
