Davao City – Pabor sa mga aplikante ang gidusong 20% nga diskwento sa mga jobseekers nga indigent sa paglukat ug mga requirements aron makasulod og trabaho.
Sumala ni Marvin Bustamante, job applicant, makatabang ang maong balaudnon nga 20% discount, gumikan ang mga nangita ug trabaho limitado ang pundo aron ilukat ug mga certificates ingun man clearances nga gikanahanglan sa mga kompanya.
Matud ni Bustamante, ang gasto sa mga requirements maoy usa sa mga nagpugong sa mga aplikante aron magkugi sa pagpangita ug bakanteng trabaho luyo sa kalisud sa panahon.
Ang maong balaudnon giduso ni Senador Lito Lapid nga maghatag og 20% diskwento sa mga indigent jobseekers sa bayrunon sa kuhaong mga clearances sa mga ahensya sa gobyerno.
RadyoMaN Erin Lumosbog
Facebook Comments
