Nagalab-ot sa 20 ka mga supporters sang communist terrorist group ang nagsurender kay Lt. Col. Jonathan Pondanera, Commanding Officer sang 57th IB Philippine Army sa Sitio Kumalawit, Barangay Purikay, Lebak.
Suno kay Maj. Gen. Alfredo Rosario, Jr., Commander sang Western Mindanao Command ang 20 ka mga suporters sang CTG ang halin sa Sitio Upper Balayan, Barangay Basak, Sultan Kudarat.
Ginpresentar naman ang mga ini kay Lebak Mayor Frederick Celestial kag nanumpa kag ginsunog ang CTG flags bilang pagkondena sa nasambit nga grupo.
May-angot sini , ginpaidalom naman sa custodial debriefing ang mga CTG supporters sang 603rd Infantry Brigade paagi sa 57th IB.
Ginsiguro naman ni Major Gen. Rosario Jr. ang suporta sa mga luyag pa nga magsurender.
