20 ka pamilyang bakwit gumikan sa baha, nakadawat ug hinabang

37

Tambulig, Zamboanga del Sur – Nakadawat ug ayudang foodpacks ang mokabat sa 20 ka mga pamilya ang na displaced ngadto sa evacuation Center sa Sagrada Familia Elem School nga sakop sa lungsod sa Tambulig human nakasinati sa pagsaka sa tubig ug pagbaha ang ilang matag pinuy-anan.
Nagtimbayayong ang mga personahe sa LDRRMO, MSWD ug ang LGU Tambulig sa pagpanghatag ug food packs ngadto sa mga mibakwit nga pamilya.
Nasayrang gumikan sa kusog nga pagbundak sa ulan kaniadtong milabayng hapon, misaka ang tubig baha sa Salug Dako River ug nakapabaha sa brgy. Upper tiparak, balugo, lower tiparak, kapalaran, san jose, ngadto na sa coastal brgy sa Angeles ug Sumalig.
Niining kasamtangan, padayon pa gihapon ang pagmonitor sa MDRRMO sa Tambulig sa mga giilang coastal barangays nga sakop sa maong lungsod ilabina nga halos kada hapon adunay kusog nga pagbundak sa ulan.
(Photo courtesy: Tambulig MDRRMO)

Facebook Comments