Gin paparayaw han Police Regional Office 8 nga an Rehiyon Otso an pinaka syahan ha bug-os nga nasod nga magamit hin body cameras ha mga police operations ha bug-os nga Rehiyon.
Kanina in gin dumara an pag turn over han 20 nga body cameras nga gin dunar han usa nga Non Government Organization pinaagi kan Regional Director PCSupt. Gilberto Cruz. Gin distrebwer an mao nga body cameras ha Police Provincial ngan Tacloban City Police.
Sumala kan Regional Director Cruz, nga an body cam in magigin dako an bulig ha pagsunod han mga protocol ha kada police operations ngan agud maipakita nga waray natatalapas nga human rights an mga kapulisan.
20 nga body cam an mayada yana an Rehiyon Otso ngan plano pa ni RD Cruz nga magkamayada hin bodycam an 201 nga Police stations ha bug-os nga rehiyon.
Iya naman gin mando nga antis waray pa tagsa tagsa nga bodycam an iba nga Police stations in gumamit la anay hin cellphone nga makakabulig gihapon ha pag video han ira mga operasyon.
Gin pangunahan gihapon niRD Cruz an demostration kun paunanhon an paggamit han mao nga body cameras nga gin pakita ha media.
