Davao City – Nagpatabang sa kapolisan sa Talomo ang dul-an 20 ka mga benepisyaryo sa 1st trench sa Social Amelioration Program (SAP) nga gihanyag sa Department of Social Welfare and Development (DSWD) human nawala ang ilang Social Amelioration Cards (SAC).
Dili pa lang dugay, gipagawas sa DSWD nga usa ang Davao City nga makadawat sa second tranche ug usa sa mga number requirements ang SAC nga adunay bar code ug number sa usa ka benepisyaryo sa maong subsidiya ug gikinahanglan kung mo-apply pinaagi sa internet.
Apan 20 ka mga tawo ang nagpatala sa Talomo Police Station human wala nila makita ang ilang SAC hinungdan sa ilang kaguol apan ang kapolisan igo ra mohatag sa police report.
Tungod niini, gitambagan ang mga reklamante nga idangop kini sa ilang nagkadaiyang Barangay.
RadyoMaN Paul Canono
