200-hectare hospital complex pagatukuron sa banwa sang Cabatuan

Natalana nga pagatukuron ang isa ka dako nga hospital complex sa gwa sang syudad sang Iloilo.

Suno kay Engr. Rodolfo Durilag, Executive Vice President sang Green Asia Unlimited Development Corporation , hospital ang ila main project nga pagatawgon Iloilo International Humanitarian Medical Center (6 storey building at 5000 sqm lot ) nga pagatukuron sa banwa sang Cabatuan.

Ini ang may 524 bed capacity.


*S*uno kay Durilag nga ila napilian ang banwa sang Cabatuan bangud magluwas nga makahatag ini sang kinahanglanon medical sang mga pumuluyo sa probinsya, magaserbe man ini nga tourist attraction bangud malapit sa Iloilo International Airport.

Magluwas sa hospital, magatukod man ang Green Asia sang lloilo Modern Condotel (6 storey tower) , Iloilo Business Tower ( 16 storey tower) , Iloilo Global Allied Business College, Iloilo International Retirees Village (180 units kag may US, Asian kag European design) , Subdivision (5000 units) , Greenhouse farming, organic market kag solar power.

Nahibaluan nga 10 billion pesos ang budget sa nasambit nga proyekto kag inisyal nga 5 ka libo nga trabaho ang nagahulat sa mga pumuluyo.

Ginpahayag ni Durilag nga ila na ginaproseso ang mga government permits agud masuguran na ang pagtukod sang proyekto.

(photo from web/ not the actual photo )

Facebook Comments