Sumala ni PSSO Chief Retired Police Lt.Coronel Angel Sumagaysay nga naghatag pa og suliran sa ilang buhatan ang mga istruktura nga anaa gitukod sa mga dike sa kasapaan sa syudad.
Gisulti ni Sumagaysay nga sagad sa mga struktura ginahimong kusina, kwarto, tambayanan, ug extension sa mga balay sa mga informal settlers nga nanimuyo dikit sa mga dike.
Segun niini nga daghan pa sa mga istruktura nga iligal gitukod sa mga dike sa Calinan, Bunawan, Tugbok, ug sa uban pang dapit ang wala mademolish sa ilang buhatan.
Gipasabot sa opisyal nga hugot ginadili ang pagtukod og istruktura sa mga dike kay maapektohan ang integridad sa pundasyon ug kalig-on sa mga dike hilabi na kon matusokan og lansang nga maoy hinungdan nga mabangag ug mabuslot ug masudlan og tubig ang mga dike.
Hinoon, walay gitakda nga petsa ang lokal nga gobyerno kung kanus-a hingpit malimpyo ang mga dike gikan sa ilegal nga mga istruktura.
Subay sa datos, anaa pa sa 200 ka istruktura ang mga nademolish na gikan sa gitirikan niini nga mga dike sa sentrong bahin sa dakbayan.
RadyoMaN Joel Viray
