Boracay Island – Kapin sa 200 ka mga lifeguards sa Boracay rong nagpaidaeom sa training it Phil. Coast Guard (PCG) Western Visayas bilang preparasyon sa pagbukas it isla sa Oktubre 26.
Suno kay Captain Allan Victor dela Vega, district commander it PCG 6, ro nasambit nga mga lifeguards hali halin sa mga resorts ag hotels sa isla.
Tuyo ko nasambit nga programa para siguraduhong qualified rong mga lifegurads para masiguro rong kaeowasan it publiko.
Dugang pa nana nga rong mga establisyimento nga nakatindog sa front beach hay dapat may maabong lifeguard.
Bukon eamang suno kana importante nga kaantigo mag eangoy kundi dapat hay mayad man sa mga techniques ag kantiguhan mag gamit it mga rescue equipment.
Gintur an man sanda it PCG kung ano ro pagahimuon ingkaso nga magtuhaw rong oil spill.
