Kapin 200 ka mga lifeguards sa Boracay ang nagpaidalom sa training sang Philippine Coast Guard (PCG) Western Visayas bilang preparasyon sa pagbukas sang isla sa Oktubre 26.
Suno kay Captain Allan Victor dela Vega, district commander sang PCG 6, ang nasambit nga mga lifeguards ang halin sa mga resorts kag hotels sa isla.
Tinutuyo sang nasambit nga programa nga masiguro nga qualified ang mga lifegurads agud masiguro ang kaluwasan sang publiko.
Ginpahayag ni dela Vega nga indi lang dapat makahibalo maglangoy ang mga lifeguard kundi importante man nga maayo ang mga ini sa techniques kag paggamit sang mga rescue equipment.
Gintudluan man sang PCG ang mga lifeguard sang dapat himuon ingkaso nga magtuhaw ang oil spill.
(photo from web)
