Sa report sa Davao City Police Office (DCPO), gisugdan ang rally ala 1:50 ug nahuman alas 4:00 sa hapon diin anaa sa 200 ka mga indibidwal ang na-monitor nga mihimo sa aktibidad particular na ang ang mga militanteng pundok gikan sa Bayan Muna, Gabriella Women’s Party, Gabriella Youth, Anak Bayan, Kilusang Mayo Uno (KMU), League Filipino Student ug uban pa nga militanteng grupo.
Sa interview sa DXDC RMN Davao kang Fauzhea Guiani, ang Chairperson sa Southern Mindanao Region (SMR) gisulti niya nga usa sa ilang panawagan ngadto sa administrasyong Marcos ang dugang suholan nga himuon og P1,200 National Minimum Wage.
Segun ni Guiani, ipadayon usab ang pakigbisog alang sa nasudnong demokrasya.
Pipila sab gipanawagan sa gobyerno sa progresibong grupo mao ang pagpataas sa sweldo sa mga trabahante, paghunong sa contractualization ug pagpaubos sa presyo sa mga palaliton.
Kapin usa ka gatos sab ka personahe sa kapulisan ug law enforcement unit ang mipatuman og seguridad, hinungdan nga nagmalinawon ang aktibidad.
RadyoMaN Don Pulayao
