Compostela Valley- Duha ka wala mailhing lalaki nga armado’g pusil ang mitulis sa admin officer sa usa ka pribadong kompanya nga nagdala’g payroll money sa Barangay New Panay, Maragusan Comval Province sa nakalabay’ng gabii.
Nagpatabang sa kapolisan sa Maragusan sila si Hazel Francisco, 25 anyos, admin officer nga tagaPurok Manga, Barangay Talian, Lungsod sa Maragusan, Comval Province, ug Enrique Guiterrez, 52 anyos, minyo, driver ug nagpuyo sa Pintatagan, Banaybanay, Davao Oriental.
Base sa imbestigasyon, gikan sa ilang main office sa Davao ang mga biktima luwan sa usa ka Mahendra Enforcer Jeep dala ang 200 mil nga kantidad sa payroll money apan pag-abot nila sa Purok Humabon , Barangay New Panay, Maragusan kalit lamang duha ka lalaki nga armado ang mibabag sa dalan dayon mituon kanila ug nagdeklarang hold up. Human makuha ang salapi, gilayong nanglayas padulong sa bukiran nga bahin sa maong lugar ang maong mga suspetsado.
Kasamang Jules Catisay
