Makabaton sang 200 million pesos nga insurance ang National Government kag inisyal nga 25 ka mga probinsya sa pungsod sa tion nga mahalitan tuga sang mga mabaskog nga bagyo kag linog.
Ini pinaagi sa ginlunsar nga 10 billion pesos Parametric Insurance Pilot Project sang Government Service Insurance System ukon GSIS sa bulig sang World Bank kag United Kingdom Department for International Development nga pinakauna sa pungsod.
Sakop sang nasambit nga insurance ang mga maguba nga mga propedad tuga sang mabaskog nga bagyo nga tuigan nga naga-igo sa pungsod kag mga linog.
Kadungan sini, gin-ako ni GSIS Chairman Francisco Duque III nga padayon nga mahina ang proseso sang koleksyon sa loans sang GSIS ilabi na sa mga nag-utang nga miyembro sang Department of Education.
(photo from web)
