Gitunol kagahapong adlawa ang 2,000 (dos mil) ka mga COVID-19 Antibody Diagnostic Kits ngadto sa Bukidnon Provincial Medical Center sa dakbayan sa Malayabalay.
Kini ang gidonar nila ni Senate Majority Floor Leader Juan Miguel F. Zubiri ug Bukidnon 3rd District Congresman Manuel F. Zubiri.
Matud pa nga giprioridad ni Senator Migs Zubiri ang pulo sa Mindanao gumikan kay sa kasamtangan, anaa lamang sa dakbayan sa Davao ang accredited nga testing laboratory ug gihangyo niini ang Department of Health o DOH nga magbutang ug mga laboratories ug testing centers sa nagkalain-laing rehiyon.
Dugang niini, manghatag usab kini ug COVID-19 Antibody Diagnostic Kits ngadto sa mga probinsya sa Misamis Oriental, Surigao del Norte ug sa Bangsamoro Autonomous Region in Muslim Mindanao aron dili usab mosaka ang ihap sa mga natakbuyan sa maong virus.
