Davao City – Moabot sa kapin 200,000 pesos ang damyos sa nahitabong sunog bandang alas 2:30 sa hapon niadtong Abril 18 ning tuiga sa purok 40-A km. 8, Upper Ulas, Talomo district ning siyudad.
Subay sa imbestigasyon sa Bureau of Fire Protection kun BFP-Davao, gi arkilahan ni Maria Luz Najos ang balay nga naugdaw nga gipanag-iyahan ni Warlito Amora diin gituohang electrical short circuit sa nag- overheat nga electric fan ang hinungdan sa maong sunog.
Girespondehan ang nasunog nga balay sa fire brigade sa Catalunan Grande ug naugdaw ang tibuok balay apil ang tanang mga mahalong gamit sa sulod ug single nga motorsiklo, mga iro ug langgam.
Gideklarang fire out sa kabomberohan ang sunog alas 3 na sa hapon.
RadyoMaN Paul Canono
Facebook Comments
