20,019 bagong kaso ng COVID-19 naitala ng DOH; Bilang ng mga gumaling, higit 20,000 rin!

Umabot na sa 2,080,984 ang kabuuang kaso ng COVID-19 sa Pilipinas makaraang madagdagan ng 20,019 ngayong araw.

Pero marami rin ang nadagdag sa bilang ng mga gumaling na nasa 20,089.

Dahil dito, umabot na sa 1,889,312 ang total recoveries na 90.8% ng kabuuang kaso habang nasa 157,438 o 7.6% lamang ang active cases.

Nadagdagan naman ng 173 ang bilang ng nasawi na ngayon ay umabot na sa 34,234.