Davao City – Usa na ka rehistradong social worker ang anak sa usa sa mga survivors sa April 2, 2003 Sasa Wharf Bombing nga si Edgar Belar.
Atol sa pagkomemorar sa ika-16 nga anibersaryo sa maong trahedya niduyog si Exequiel Belar uban ang iyahang mga igsuon samtang wala makatambong ang iyahang amahan.
Nagpasalamat kini ngadto sa gobyerno kay pinaagi sa gitanyag nga scholarship upat sila nga managsuog nakahuman sa pag eskwela.
Alang ni Belar nga tungod kay wala pa gihapuy matumbok nga responsable sa maong pagpamomba wala pa gayod nila nakab-ot ang hustisya.
Samtang, nagpadayon ang lokal nga panggamhanan sa pagtunol og tabang sa tanang mga biktima ug pamilya.
Matud ni CSSDO head Malou Bermudo daghan na nga napalampos ang City Government nga mga dependents ug wala lang usab diha natapos tungod sagad kanila mga goverment employees na.
Natukod ang Task Force Davao subay kini sa nahitabong twin bombing incidents ang Sasa Old Airport ug Sasa Wharf Bombing niadtong 2003.
Segun ni Task Force Davao Deputy Commander Col. Randolph Cabangbang nga way puas ang ilahang pagpaningkamot aron dili na masubli pa ang hitabong pagpamomba dinhi sa lungsod.
RadyoMaN Aimee Guinita
