Ginakabig ni Governor Arthur Defensor Sr. nga pinakamahal nga election sa kasaysayan sang probinsya sang Iloilo ang bag-o lang natapos nga 2019 midterm elections.
Suno kay Defensor nga ini bangud tuman ka hayag ang baklanay sang boto kag tagtaganay sang kwarta.
Apang ginpahayag ni Defensor nga napamatud-an man nga indi na balaklon sang kwarta ang kadam-an sang mga pumuluyo sa probinsya bangud ginasunod na sang mga ini ang ila prinsipyo.
Dugang pa sang gobernador nga ang resulta sang bag-o lang natapos nga pinili-ay magaserbe nga leksyon sa iban nga politiko nga ginasalig ang ila kadalag-an sa pagpamakal sang boto.
” Ang baklanay sang boto nga sa karsada gapila ang tawo . Ang pamakal sang boto tag duha ka libo , iban tres mil kinyentos , indi pa na expensive? . . . ugaling ang naaprubahan ta nga bisan anhon mo lang kabakal sang pumuluyo, kuhaon lang sang pumuluyo ang kwarta kag botohon nila ang luyag nila. Amo na ang leksyon sang eleksyon nga ni nagligad, ” pahayag ni Governor Arthur Defensor Sr..
