Ginpaeawig it Commission on Elections (COMELEC) rong oras it pagboto sa pagahiwaton nga 2019 midterm elections.
Suno kay COMELEC Spokesperson James Jimenez – pagadugangan it sang oras rong pagboto umpisa alas 6:00 it agahon hasta man it alas 6:00 rong gabii.
Raya hay bangud man sa ginasaligang pagsaka it voting population sa 61 milyon kumpara sa 58 milyon ko 2016.
Samtang indi man eon pagdugangan rong numero it mga Vote Counting Machines (VCMS) rason nga pagasaligan rong mahaba nga pila.
Ro kada VCM hay maka accommodate it hasta sang libo nga botatnte.
Dugang pa nga maskin als 6:00 eang hasta it gabii pagapahinugutan pa gihapon nga makaboto rong mga botante nga una sa 30 miter-radius it polling centers maskin mag eampas eon sa oras.
Kinahangean eamang nga ilista it poll clerks rong pangaean it mga botante ag pagatawagon it tatlong beses para makaboto pero kung sa pagtawag ag uwa it magapakita hay indi eon sanda makaboto.
