Davao City – Madayon ang Barangay and Sangguniang Kabataan Election (BSKE) sa May 11, 2020 sumala tinubdan sa Commission on Elections (Comelec).
Kini ang pagpaklaro ni COMELEC-XI spokesperson Atty. Krisna Samantha Caballero, atol sa gipahigayong iSpeak Forum, subay sa mga pangutana sa katawhan kung mahinayon ba ang maong aktibidad ug nagkanayon nga kung dili man mahinayon magpaabot lang sila sa mapasang balaod.
Subay niini, gikatakdang sugdan ang karong Agosto 1 ngadto na sa Setyembre 30 ang pag akomodar sa mga magparehistro isip preparasyon sa BSK Elections gani gi-awhag niini ang katawhan nga muhatag og higayon sa pagparehistro.
Saysay ni Caballero nga sa pagkakaron nag padayon ang ilang pag update sa mga listahan sa mga botante diin sa kasamtangan adunay kapin 940,000 ka mga botante dinhi sa syudad.
Dugang niini nga manual ang eleksyon sa BSK.
Ilawom sa RA 10592, ginapahigayon ang BSKE human sa duha ka tuig tunong sa ikaduhang Lunes sa bulan sa Mayo.
RadyoMaN Jason Amisola
