2020 PhylSys registration operations, pagasugdan karong ika-upat nga kwarter ning tuiga

34

PAGASUGDAN karong ika-upat nga kwarter ning tuig 2020 ang 2020 PhylSys Registration Operations, kini maoy nadawat nga impormasyon basi sa DILG Memorandum Circular No. 2020-99, pinitsahan Hulyo 15, 2020 diin gi-awhag ang tanang opisyales sa lokal nga kagamhanan og ang tanang rehiyonal nga opisina sa DILG sa paghatag og tabang sa implementasyon diha sa ilang tagsa-tagsa ka lugar.

Basi sa Republic Act No. 11055 o ang Phillipine Identification System (PhylSys) Act gimanduan sa pag-establisar sa usa ra o single national identification system aron ma rehistro ang tanang Pilipino og mga langyaw’ng residente sa nasud Pilipinas diin ang Philippine Statistics Authority o PSA maoy nahaunang ahensya sa pagpatuman sa probisyon diha sa PhylSys Act.

Ang PSA mo target nga maka rehistro og dyes milyones nga mga ulo sa panimalay o household heads nga sakop sa may ubos nga kinitaan o low-income households sa panahon na sa mass registration nga ilunsad ning tuiga.

Aron kini makab-ot, ang PSA mo establisar og 46 ka fixed registration centers sa tibuok rehiyon og katimbang niini ang 1,170 ka mga mobile registration teams nga ipadala sa tanang pinili nga lugar nga adunay sangang opisina sa Landbank og sa mga estratehikong lugar nga maila diha sa lokal nga lebel. Sa panahon sa COVID-19 pandemic, kadto lamang mga low-risk areas ang makonsidera alang sa mobile registration.

Facebook Comments