Davao City – Miresulta sa mabungahong operasyon ang gihimong ‘Oplan Lambat Bitag’ kagahapong adlawa, Enero 19 dinhi syudad.
Base sa datos nga gipagula sa Davao City Police Office kun DCPO, 209 ka mga Driver’s License ang nakumpiska nga na-issuehan og Temporary Operator’s Permit (TOPs) samtang 38 ang na-issuehan og citation ticket.
Dugang sa datos, dunay 33 ka mga nagkalain-laing mga behikulo ang na-impound diin 25 niini ang single nga mga motorsiklo, 3 ka motorsiklo nga dunay illegal side car kun payong2 ug lima ka four wheeler vehicles.
Ang nasangpit nga mga behikulo temporayong gibutang sa nagkadaiyang operating Police Stations ug Traffic Group.
Gihimo ang maong operasyon kagahapon sa alas 9 sa buntag ug nahuman pasado alas 11 na sa buntag sa hiniusang pwersa sa DCPO kauban ang TF Davao, NBI 11, LTO, LTFRB, CTTMO ug RMBFB 11 diin gihimo ang operasyon sa area sa Police Stations 1-10 dinhi sa dakbayan sa Davao.
RadyoMaN Renz Barbarona
