Davao City – Selos ang rason sa 78-anyos nga lolo sa pagtigbas-patay niini sa 21-anyos nga lalaki sa Purok 1, Brgy. Sisimon, Laak, Compostela Valley Province.
Sa interbyu sa DXDC RMN Davao kang Police Major Gomersendo Diwata, office in charge sa Laak Municipal Police Station, giila niini ang suspek nga si Macario Tano ug ang silingan niining biktima nga si Dennis Nudalo, taga Purok 4, Brgy. Sisimon, Laak, ComVal.
Segun sa suspek nga gilabhan sumala pa sa asawa niini ang short sa batan-on hinungdan sa iyang selos. Nasayran nga gi-adto sa suspek ang batan-on nga nagpractice sa ilang simbahan ug didto gihimo ang krimen.
Apan gitataw sa igsoon sa biktima nga dili tinuod nga short kadto iyang igsoon ug naalaan lamang kini.
“Napagkamalan ra man gud nga short to sa batan-on pero gipangutana to namong igsoon sa biktima dili man daw to short sa biktima pero ang ingon sa tigulang short daw to sa iyang gitigbas,” saysay ni Diwata.
Kasong homicide ang atubangon sa suspek ug illegal possession of firearms human nakuhaan usab kini og .38 rebolber atol sa insidente.
RadyoMaN Kirby Manzon
