Pagadian City – Anaa na karon sa mabugnaw nga selda nagpundo ang usa ka lalaki human kini nadakpan sa gilusad nga Drug Buy-Bust Operation pinaagi sa mga personahi sa Zamboanga del Sur Provincial Drug Enforcement Unit ug Zamboanga del Sur PDEA diha sa Purok Rosas, Santa Lucia District, sakop ning dakbayan sa Pagadian alas 7:40 ang takna kagabii.
Nadakpan ang target nga mao si Chrysein Elesterio Tan, 21 anyos, lalaki, ulitawo, residente sa nahisgutang lugar.
Nakumpiska atol sa maong operasyon ang tulo ka pakete sa gutuhuang Marijuana nga may liso ug kantidad nga 60 mil ka pesos ug may timbang nga 500 gramos, usa ka libo pesos nga marked money, ug uban pang mga butang.
Ang mga nakumpiska nga mga ebedensya ang gidala sa Zamboanga del Sur Provincial Crime Laboratory Office alang sa examinasyun samtang ang maong dinakpan ang naa na karon nakakostodya sa buhatan sa Zamboanga del Sur Provincial Drug Enforcement Unit and Zamboanga del Sur PDEA aron pasakahan sa tukmang kaso. CCTO//Pagadian News Icon.
