21 anyos, nakuhaan og shabu nga balor 340-mil pesos

32

Mokabat sa kapin 340-mil pesos nga kantidad sa shabu ang nakumpiska sa mga otoridad gikan sa usa ka 21 anyos nga drug suspect.

 

Matud ni Carmen Police Chief Police Major Allan Tagactac Oniana nga ang suspect nailang si Ismael Hadji Amer nga taga Villa Candida Subdivision, Barangay Bulua ning syudad sa Cagayan  de Oro.


 

Si Amer napalitan sa usa ka paketeng shabu nga nagkantidad og usa ka libo ka pesos, us aka dakong sachet sa shabu nga gibana-banang naa sa 340-mil pesos, cell phone ug sakyanan nga Toyota Vios nga gigamit sa pag-deliver sa mga iligal nga druga.

 

Pasakaan og kaso unyang hapon ang drug suspect human masikop sa hiniusang pwersa sa Carmen Police Station ug Police Regional Office 10 mga alas 10 sa buntag niadtong Sabado sa NHA, Barangay Kauswagan ning syudad.

Facebook Comments