Davao City – Kasong paglapas sa Republic Act (RA) 9165 o Comprehensive Dangerous Drugs Act of 2002 ang atubangon sa usa ka lalaki nga naaresto sa buy-bust operation sa Barangay Dahican, Mati City, Davao Oriental niadtong Huwebes, Disyembre 15, 2022 isip kabahin sa hugot nga implementasyon sa KASIMBAYANAN Program sa kapulisan.
Sa report sa Mati City Police Station (PS) ang suspek mao si Marcelino Arlalejo, alyas Ali, 21 anyos, ulitawo, usa ka laborer ug residente sa Brgy Central, Mati City, sa maong probinsya.
Nakuha sa posisyon sa dinakpan ang mga pakete sa gituohang shabu nga motimbang og 5 gramos nga gibana-banaang anaa sa P40,000 ang kantidad.
Padayon ang pahimangno sa kapulisan sa publiko nga likayan ang iligal nga aktibidad ilabi na gyud ang iligal nga droga.
RadyoMaN Kirby Manzon
Facebook Comments
