Nakuha sa suspek ang usa ka kutsilyo nga adunay gitas-on 12 pulgada human miresponde ang kapulisan sa nahitabong pagpangluba didto sa may brgy. Calilic, lungsod sa Sibutad, ning atong probinsya dili palang dugay.
Naila ang biktima nga si Winston Gumimao Emoria, 21 anyos, samtang ang suspek sa pagpangluba mao si Roberto Elumbaring Astillero, 55 anyos pulos residente sa nahisgutan nga lugar.
Sa gihimong pag imbistiga sa kapulisan, matod pa ang biktima miadto kini sa panimalay sa suspek aron mag sag-ob ug tubig. Paghidangat niya sa maong lugar gitawag kini siya sa suspek aron matod pa makig istorya kaniya.
Pipila ka minuto, ang suspek misulod kini sa ilang kusina ug pagbalik niini nag bitbit na ug hinagiban.
Sa walay igong rason ug hinungdan miluba kini sa biktima, samaran ang biktima sa toong bahin sa iyang lawas.
Human sa panghitabo, ang biktima naka palayo pa kini ug nangayo ug tabang nga dad-on siya sa pinaka duol nga balay tambalanan.
Samtang ang suspek misulay pa unta kini ug ikyas sakay sa iyang motorsiklo, apan naharang kini sa mirespondeng kapulisan sa Sibutad.
Hinungdan sa maong panghitabo, personal nga panagbangi.
