21 anyos patay human natumbahan an bayay sa punoan nan lubi !

432

Kumpirmadong patay atol sa pagkuso kuso sa bagyong AMANG sa lungsod nan Alegria Sdn an isa ka 21 anyos.
Nagpakitabang pa sa amahan an biktima human na kalit milagapak an punoan sa lubi nga mihagsa sa ila pinuy-anan atol sa pagkuso kuso sa kusog nga hangin sa milabay na Domingo pasado alas 3;00 sa kaadlawon sa p-3 sa brgy.Gamuton Alegria Sdn.. Nadaya pa sa tambayanan an biktima na naipit sa pagkatumba sa lubi puntirya sa ilang pinuy-anan samtang nangatuyog ini gumikan sa kakusog sa uyan sanan hangin pero sa naangkon na pagkaipit sa hawak nga miresulta sa grabe na bun-og sa ija kalawasan ,nakabsan ra ini sa ginhawa sanan namatay. An biktima gikilaya na si RONIEL MANDING 21 anyos residente sa nahisgutang na barangay. Samtang nakaangkon isab nan bun-og ug pi-ang sa lawas ang igsoon niini nga si JOVANY MANDING . Sa exclusibong pakighinabi sa Rmn Surigao sa pamilya sa namatay,gibutyag nan ini na waya nila palandunga na ini mahitabo sa ila. Kasamtangan na gihaya ang patayng lawas sa 21 anyos na biktima sa Brgy Covered Court sa Brgy.Gamuton. Tabang pinansyal isab an gitunol na sa local na kagamhanan sa lungsod nan Alegria ngadto sa pamilya na nagbangutan. ( RadyoMaN Jerson Fuentes)

Facebook Comments