21-anyos patay, matapos tiruhon sa Tupi, South Cotabato.

40

Dead on arrival sa hospital ang isa ka persona, matapos nga tiruhon sa Tupi, South Cotabato, kahapon nga adlaw, Enero 13, 2021.
Ginkilala ang biktima kay Karl Jeron Cabizares Coniza, 21-anyos, single, jobless kag residente sang Purok 11-B, Barangay Poblacion, Tupi, South Cotabato.
Sa imbestigasyon sang Tupi MPS alas 12:20 sang udto sa amo nga adlaw samtang ang nagahampang sang online game sa iya nga cellphone ang biktima sang duha ka mga wala nakilal-an nga mga suspek ang nagpalapit kag gintiro ang biktima sang makapila ka bes.
Nakaangkon naman sang igo sang bala ang biktima sa iya nga ulo kag dughan nga nangin tunaan sang iya hinali nga kamatayon.
Gilayon naman nga nagpalagyo ang mga suspek sa wala nahibaluan nga direksyon.
Narekober naman sa crime scene ang duha ka slugs kag tatlo ka fired cartridge cases sang kalibre 45 nga armas luthang.
Sa subong padayon ang imbestigasyon sang Tupi MPS sa nasambit nga insidente.

Facebook Comments