Inanunsyo ni Executive Secretary Lucas Bersamin na mananatili sa pwesto ang 21 gabinete matapos na hindi tanggapin ni Pangulong Ferdinand Marcos Jr., ang kanilang courtesy resignation.
Ito ay sina:
1. Agriculture Secretary Francisco Tiu Laurel
2. Agrarian Reform Secretary Conrado Estrella II
3. Education Secretary Sonny Angara
4. TESDA chief Kiko Benitez
5. Labor Secretary Benny Laguesma
6. Social Welfare Secretary Rex Gatchalian
7. Health Secretary Ted Herbosa
8. Migrant Workers Secretary Hans Leo Cacdac
9. DOST Secretary Renato Solidum Jr.
10. Tourism Secretary Christina Frasco
11. DICT Secretary Henry Aguda
12. Transportation Secretary Vince Dizon
13. DPWH Secretary Raphael Bonoan
14. Presidential Chief Legal Counsel Juan Ponce Enrile
15. MMDA Chair Don Artes
16. Mindanao Development Authority chief Leo Magno
17. Presidential Management Staff Sec. Elaine Masukat
18. Presidential Adviser on Mindanao Concerns Antonio Cerilles
19. Bureau of Internal Revenue chief Romeo Lumagui
20. Customs chief Bienvenido Rubio
21. Treasurer of the Philippines Sharon Almanza
Nilinaw naman ni Bersamin na mananatili rin sa pwesto si Department of Foreign Afffairs o DFA Secretary Enrique Manalo.
Nauna nang inanunsyo ni Bersamin na ililipat ng pwesto si Manalo bilang kinatawan ng Pilipinas sa United Nations, epektibo August 1.
Pero dahil kailangan munang makumpirma si Manalo bilang permanenteng UN envoy, sinabi ng pangulo na maituturing lamang na ganap na ang kaniyang pagkakatalaga matapos ang kumpirmasyon.
Samantala, tinanggap naman ni Pangulong Marcos ang courtesy resignation nina:
– Chairperson at CEO Presidential Commission for the Urban Poor Meynardo Sabili
– Presidential Assistant for Visayas Terence Calatrava
– Presidential Assistant for Muslim Affairs Almarim Tillah
Habang sinibak naman sa pwesto si Presidential Adviser for Special Concerns Menardo Espineli.
Itinalaga rin ni Pangulong Marcos si Atty. Francis Edralin Lim bilang bagong pinuno ng Securities and Exchange Commission kapalit ng kasalukuyang pinuno ng SEC na si Emilio Aquino na magtatapos ang termino sa June 5.
