Davao City – Anaa na sa quarantine facility ang 21 ka mga personahe ubos sa City Mobile Force Batallion (CMFC)-Special Weapons and Tactics (SWAT) nga unit kinsa adunay direktang exposure sa nagpositibong nilang tropa.
Gibutyag ni Davao City Police Office (DCPO) City Director Police Col. Kirby John Kraft atol sa interview sa DXDC RMN Davao, gi-isolate ug gibutang una karon sa quarantine facility sulod sa DCPO ang mga pulis samtang gihulat pa ang resulta sa ilahang mga swab test.
“Ni-lockdown natin iyong SWAT compound kasama iyong City Mobile Force Company kung saan may direct contact siya,” matud sa hepe.
Sumala ni Kraft, wala napiangan ang grupo sa mga pulis nga nagbantay sa Barangay 23-C nga gi-hard lockdown ug gikonsiderang very high risk area nunot sa daghang kaso sa COVID-19.
RadyoMaN Aimee Guinita
