Davao City – Sulod sa kapin usa ka semana mokabat sa 217 ka mga personalidad ang naaresto sa Davao City Police Office atol sa One Time Big Time Operation.
Gikasa ang maong mga operasyon Hunyo 19-27.
Sa 25 ka mga naarestong suspek atol sa gikasang buy-bust operation usa ka drug suspect ang na-neutralisa human giingong nisukol sa mga awtoridad nga giila nga si Kemper John Gonzaga.
Samtang, sa Robbery, Akyat Bahay, Theft, Snatching (R.A.T.S) operation, 13 ka nga suspek ang nasikop.
Pinasikad sa Warrant of Arrest nga gipangsilbi sa kapulisan 69 ka mga wanted persons ang malampusong nadakpan.
Pipila sa mga kaso nga giatubang sa mga dinakpan mao ang paglapas sa R.A 7610 (Child Abuse), Murder, Attempted murder, Acts of Lasciviousness, Child Abuse ug sexual assault.
Pinakataas sa ihap sa mga naaresto ang pagkalambigit sa sugal o paglapas sa PD 1602 diin adunay 102 arrested persons.
Gidayeg ni DCPO head Police Col Alexander Tagum ang Sta. Ana ug Talomo Pnp kinsa maoy top performing police stations sa mga police operations.
RadyoMaN Aimee Guinita
