Mahigit isang daan apatnaput pitong libong pisong halaga ng shabu ang na samsam ng mga otoridad matapos ikasa ang buy-bust operation sa kahabaan ng Maligaya Street, Purok 5 Barangay Napindan Taguig City, pasado alas-2:00 kaninang madaling araw.
Nakilala ang mga suspek na sina Gilber Morales Adeza, 25-anyos at Nicole Lucas Carpio, 25-anyos.
Maliban sa ipinagbabawal na droga, narekober din ng mga pulis mula sa suspek ang limang daang piso na ginamit bilang buy-bust money.
Ang nasabing operasyon ay ginawa ng pinagsanib pwersa ng Taguig Police Station drug enforcement unit at ng Philippine Drug Enforcements Agency O PDEA Regional Office.
Nakakulong na ang mga suspek sa Taguig Police Station Custodial Facility at nahaharap sa kasong paglabag sa Republic Act 9165 0 Comprehensive Dangerous Drugs Act of 2002.
