22-anyos nga babaye, patay sa pagkatumba sang ginamaneho nga motorsiklo sa banwa sang Maayon!

Maayon, Capiz- Patay ang 22-anyos nga babaye makaligad aksidente nga natumba ang ginamaneho sini nga motorsiklo pasado alas 11 sang aga sa Barangay Poblacion, Tabuc, Maayon, Capiz.
Ang biktima ang nakilala kay Joralyn De Juan y Panes, residente sang Barangay Quevedo, Maayon, Capiz.
Suno sa inisyal nga imbestigasyon sang mga kapulisan, sakay sa motorsiklo kag ginasubay sang biktima ang dalan halin sa banwa pauli sa Quevedo, Maayon sang wala sini makontrol ang manibela sang motorsiklo kabangdanan sang pagsimplang sini.
Gindala pa sa Bailan District Hospital sa banwa sang Pontevedra ang biktima apang ini ang gindeklarar ni Dr Jane Pastrana nga dead-on-arrival bangud sa patal nga pilas sa ulo tuga sang pagkatumba sini.