Pagadian City – Gi-release na ngadto sa kadagatan ang 22 ka mga baby pawikans o pispis sa pawikan sa pagpanguna sa mga opesyalis sa Barangay, tinugynan sa Community Environment and Natural Resources Office sa Purok Anduhaw, Brgy. White Beach ning syudad sa Pagadian kagahapon sa hapon.
Nitabang sa paghatod sa mga bag-ong pusa nga mga pawikans ang mga lumulupyo sa lugar, mga mananagat ug mga RadyoMaN sa RMN-DXPR Pagadian.
Sumala ni Punong Barngay Rey Rabanos, dakong hagit kanila karon ang pagprotekta sa mga pawikan, gani ang mga salag sa mga pawikang nga bag-o lang napusa didto giitlog sa lugar delikado busa ila kining giprotektahan pinaagi sa pagkural gamit ang baling.
Pipila ka oras human namusa gipang buhian ang laing batch sa 22 ka mga pawikans.
Subay niini nagpasalamat ang CENRO sa sensiro nga pag-atiman sa mga opesyalis Barangay sa mga importante kabtangan sa kinaiyahan sama sa pawikan.
