22-million pesos nga school building sa Rizal Elementary School sa banwa sang Pontevedra, naturn-over na!

99

Pontevedra, Capiz- Lubos nga ginkalipay sang mga studyante, mga ginikanan kag teaching staff sang Rizal Elementary School sa banwa sang Pontevedra nga sarang na magamit ang school building nga ginpondohan sa idalom sang opisina ni Capiz 1st District Congressman Emmanuel “Tawi” Billones Sr.
Ang two-storey building ang nagabalor sang 22-million pesos kun sa diin may yara sang walo ka mga classroom nga may tig-duha ka mga pwertahan.
Suno kay Congressman Billones, ang DPWH amo ang nag-implementar sang nasambitan nga proyekto kag ini naman ang gin-supervise sang DepEd kag sang iya opisina. Tuman naman ang pasalamat ni School Principal Dr. Quinto Taguc kay Congressman Billones, sa provincial government, DepEd, Municipal government sang banwa sang Pontevedra mga ginikanan kag iban pa nga mga stakeholders.
Samtang plano sini ang pagtukod sang integrated school sa masunod nga school year.

Facebook Comments