Davao City- Gipailawom karon sa lockdown ang 22 ka mga lugar dinhi sa Davao City nunot sa natalang positibong kaso sa Coronavirus Disease 2019.
Matud ni Davao City Mayor Sara Duterte nga 17 kini ka households, 4 ka compounds ug 3 ka street ang naka-lockdown.
Sa breakdown sa kada Barangay: Barangay.Sto Niño-1, Tacunan-1, Daliao-1, Ilang-1, Brgy.21-1, Brgy.23-3, Brgy. Leon Garcia- 2, Bago Gallera-2, Catalunan Grande-2, Baliok-1, Talomo-1, Brgy. Angliongto-1, Brgy. Buhangin Proper-3 ug Cabantian-2.
“(Lockdown recommended ni siya sa ) City Health Office kay kato sila ang nagagunit sa atong epidemiology surveillance unit and sila pod ang head sa atong contact tracing,” segun niini.
Samtang, nakatala og 59 ka taong nakarekober sa COVID-19 sa Davao City, 113 ka mga confirmed cases samtang 36 nalang ang active cases sa pagkakaron ug 19 ang natalang patay as of April 29, 2020.
RadyoMaN Aimee Guinita
