Iligan City – Dos syentos byente (220) ka mga pupils sa kinder nga gikan sa barangay rogongon ang midawat sa mga school supplies nga gikan sa buhatan ni City Councilor Rosevi Queenie Belmonte inabagan ni Councilor Elect Michelle Sweet.
Kabahin kini sa programa ni Konsehal Belmonte nga mahatagan sa gamit ang mga tinun-an ilabi na kadtung lisod gayud ang mga ginikanan sa pagpalit ug gamit alang sa ilang mga anak.
Gilangkuban sa notebook, papel, lapis ug uban pa ang sulod sa gidawat nga kit sa mga tinun-an.
Dakung pasalamat ang gipaabot sa mga tinun-an sa gihatag kanila nga school supplies tungod makatabang na kini ug daku alang sa ilang inadlaw-adlaw nga pagsulod sa klase.
Mapasalamaton usab ang mga opisyal sa barangay rogongon tungod ilang mga tinun-an mao’y nahatagan sa school supplies ni konsehal Belmonte ug Sweet.
Mismong si Rogongon Kagawad Cybee Serino ang mipaabot sa ilang dakung pasalamat ngadto ni konsehal Belmonte ug Sweet sa gitunol niini nga mga school supplies sa mga kinder pupils sa barangay rogongon.(Ghiner L. Cabanday, RMN-Iligan)
