Davao City – Malampusong natabangan sa City Health Office – Population Division ang 220 ka mga lalaki, lakip na ang mga taga-Davao ug gikan sa ubang lugar, nga mi-avail sa libre nga No-Scalpel Vasectomy (NSV) hangtod Setyembre 2025.
Sa maong ihap, 176 niini ang mga Dabawenyo, 37 gikan sa laing siyudad ug probinsya, samtang pito (7) sab ka mga langyaw.
Ang NSV usa, matud pa, ka permanente nga family planning method nga libreng ginahatag sa City Population Division ug ginapahigayon duha ka higayon matag bulan sa Buhangin Vasectomy Center.
Samtang, ang maong pamaagi dili matud pa invasive, diin molungtad lang og 10–15 minutos, ug gamay ra ang kinahanglan nga aftercare.
Sumala sa opisina, kini nga pamaagi mas ubos ang risgo kon itandi sa Bilateral Tubal Ligation (BTL), ug adunay 99.85% nga pagka-epektibo.
RadyoMaN Kareen Beltran
Facebook Comments
