225 Nga Aplikante Na Hired-On-The Spot Sa Jobs Fair

8

PAGADIAN – Mokabat sa 225 nga job applicants ang na hired-on-the-spot sa canning industry and allied services sa usa ka adlaw nga jobs fair nga gipasiugdahan sa Department of Labor and Employment (DOLE) ug sa kagamhanang lokal ning dakbayan sa New Executive Function Hall ning dakbayan kagahapon.Matud pa ni Camilo Encila, Jr., ang field officer sa nasangpit nga buhatan nga ang jobs fair usa ka pamaagi sa DOLE alang sa employment facilitation diin kini mopasayon pag-hire sa mga kompanya ug mga aplikante nga nangita ug trabaho.“Mao kini ang tukma nga dapit kapahigayonan diin ang mga employers ug employees ang magkita sa usa ka lugar aron matagbo ang panginahanglan sa trabahante ug mga trabaho. Dili na maggasto sa iyang kuwarta ug panahon ang aplikante tungod kay ang mga employers naman ang miduol kanila,” matud pa ni Encila.“Ang canning industry and allied services naggahin sa 1,973 nga mga bakanteng trabaho alang sa walay trabaho nga mulupyo sa dakbayan. Ang mga bakanteng trabaho mao ang factory ug office workers,” dugang pagpahibalo ni Encila.Matud Encila nga ang mga recruitment agencies naglangkub ning mosunod: Century Pacific Foods , Permex Producer and Exporter Corporation, South Asia Canning, ug Universal Canning nga tanan nakabase sa dakbayan sa Zamboanga.Gikalipay ug dako ni City Councilor Bienvendio Culve, ang officer-in-charge sa buhatan sa mayor ning dakbayan paglusad sa DOLE ug city government sa maong kalihokan tungod kay kini ang nakatabang dako sa mga tawo nga walay trabaho.“Nalipay ako nga gihimo sa DOLE ug city government ang jobs fair tungod kay kini ang nakatabang dako sa mga tawo nga walay trabaho ilabi na ang mga bag-ong graduates,” pahayag ni Culve.Gipakisama usab ni Culve ang recruitment agencies nga kaabag sa dakbayan sa kalamboan.Samtang gipahayag ni Encila nga ang 1stJobs Fair caravan napahigayon sa niadtong Abril 6 sa Ipil, Zamboanga Sibugay, Abril 7 sa dakbayan sa Pagadian, ug Abril 8 sa dakbayan sa Dipolog.(

Facebook Comments