Liboan na ka mga apektadong residente sa mga lalawigan sa Davao Oriental ug Surigao del Sur gihiklin ilawom sa ‘forced evacuation’ sa mga awtoridad aron maluwas gikan sa kabangis ni bagyong si ‘Vinta.’
Mga tinubdan nagkanayon nga adunay mokabat sa 1,153 ka mga tawo ang gipabakwit gikan sa lungsod sa Baganga, 272 sa may Cateel diin naglandfall ang bagyo, 50 ka mga pamilya sa Caraga, kapin 200 usab sa may Boston ug 525 sa may Lingig, Surigao.
Gikataho usab nga hapit nang mahidangat sa ‘critical level’ ang Aragon Dam sa maong lalawigan sa lebel nga 18.8 meters apan sa dihang moabot na kini sa may 19 meters, momando na unya ang mga tinugyanan ngadto sa tanan sa pagbalhin ngadto sa mas luwas nga dapit.
Ang naigo sa bagyo anaa ilawom sa area sa 67th Infantry Battalion sa Philippine Army.
Gipakanaug na usab ang ‘red warning level’ kun ‘heavy rainfall warning’ sa mga areas nga gilampornas karon ug maayo sa may Northern section ug kanait nga mga lugar denhe sa Mindanao.
Gipailawom sa maong warning ang Surigao del Norte, Surigao del Sur, Agusan del Norte ug del Sur, Davao del Norte, Davao Oriental, Compostela Valley, Bukidnon, Misamis Oriental ug davao City.
RadyoMaN June Duterte
