Giidentika ang biktimang si Lowie Jay Saraudin, residente sa nasangpit nga lugar.
Matud ni Police Major Catherine Dela Rey, Police Regional Office 11 Spokesperson, atol sa pagsugat sa Bag-ong Tuig kauban sa biktima ang iyahang pamilya sa gawas sa balay dihang naigo kini sa bala sa iyahang likod.
Gidala sa Davao Regional Medical Hospital sa Tagum City ang ulitawo ug na-discharged kini pasado alas-3:00 sa kadlawon, Enero 1,2024.
Segun ni Dela Rey, swerteng wala naigo ang spinal cord sa biktima atol sa insidente.
Giturn-over na sa pamilya ngadto sa kapulisan ang narekober nga slug nga niigo sa batan-on.
Matud ni Dela Rey, ginasuta pa ang caliber sa armas sa stray bullet ug ipailawom sa ballistics examination.
Gi-deploy na ang mga imbestigador ug intel operative sa area para madakpan ang suspek ug makapangalap og mga saksi sa
pagpabuto’g armas.
RadyoMaN Aimee Guinita
